Alanis v.s. Fergie

 "Sources reveal exclusively to PerezHilton.com that Fergie sent Alanis Morissette some flowers this week with a note telling her how much she loved her cover and accompanying video of the Black Eyed Peas' My Humps."

Hér fyrir neðan má sá samanburð á videounum. Alanis má nú eiga það að hún gerir manni ljóst hverslags heimskutexti þetta lag inniheldur.
Alanis= http://www.youtube.com/watch?v=W91sqAs-_-g
Fergie= http://www.youtube.com/watch?v=Vj9swNR5-lY  

Á lati segir sá á morgun

klassískur eftir Berglindi. 

Jæja nema hvað, í ljósi þess að nú eigi ég að vera á fullu í skrifum á lokaritgerð þá finn ég mér eitthvað annað að gera í tölvunni heldur en að rita í word.
Og hvað er það sem ég get gert, jú ef við horfum ekki jafn langt aftur í tímann og til teiknimyndanna hér fyrir neðan þá eru það unglingsárin hin fyrri. Ég hef nefnilega notað undratækið Google.is til að reyna að hafa upp á gömlum bekkjarfélögum á netinu, og ég er barasta búin að finna tvo, vissi um tvo þannig að í það heila hef ég fundið fjóra (hehe ég er bara als ekkert slöpp í reikningnum ...) okei yfirleitt er það nú þannig að ef maður finnur eina bloggsíðu á netinu þá vísa þær manni áfram og svo framvegis nema hvað að þessar tvær vísa eiginlega bara á hvora aðra og ekki neina aðra en það.. jú nema þessar sem ég vissi af en þær leiða ekki neitt  

Hvað gera Danir þá, ég er orðin uppskroppa með hugmyndir að orðum til að googla til að finna þetta fólk. Verð ég þá að draga þá ályktun að af gaggó (sem hét ekki gaggó þegar ég var í gaggó nenni ekki að skrifa elstub.....) bekknum mínum séu eingöngu 5 bloggarar og ég þar á meðal, ætli það sé algengt meðaltal yfir landsvísu eða er þetta undir meðaltali. Nei maður spyr sig svona bara...... okei okei ég skal þá fara að læra FINE 

Almáttugur!!!

Af þeim stelpum sem áttu á svipuðum tíma og ég, sú sem hafði mitt barn hvað lengst á brjósti  "alveg" til 9 mánaða. Sumum var farið að finnast það alveg nóg og ég var líka orðin alveg til í að eiga brjóstin mín ein... Þessi kona er því það sem mér finnst eiginlega bara krípi, svona ef ég á að segja alveg eins og er  http://www.youtube.com/watch?v=uHRyRCHuQ7g 

Annars vorum við Matti að baka áðan horn og múffur þar sem bæði tvennt heppnaðist glæsilega hjá okkur ætla ég bara ykkur til yndisauka að setja uppskriftirnar hérna inn

Horn :

5 dl mjólk
4 tsk þurrger
70 g smjör (ég notaði sko 70 gr olíu svona til að reyna að holla aðeins upp á þetta)
1 msk sykur
1 tsk salt
8- 10 dl hveiti
Skinkumyrja

Hitið mjólkina í 37 gráður og blandið gerinu saman við, bræðið smjörið. blandið sykri salti og hluta af hveitinu saman við vökvann. bætið smjörinu útí. látið degið vera þykkt en vel hræranlegt. Hrærið þar til það verður seigt. Látið deigið hefast í 30-40 mín á hlýjum stað. Bætið hveiti út í degið eftir þörfum  hnoðið þar til sprungulaust, skipti niður í 3-4 hluta og fletjið hvern hluta út skerið eins og pizzu, setjið uþb teskeið af myrju á hvern hluta og rúllið upp setjið í ofn á svona uþb 180 gráður þangað til hornin verða gullin á lit.

svo er það Múffurnar ég gerði súkkulaðibita útgáfuna með tveim tsk af kakói. Ef Múffurnar eiga ekki að klárast samdægurs hjá meðalstórri fjölskyldu mæli ég með því að gerð sé tvöföld uppskrift.

Muffins - (lítil uppskrift)
Grunnuppskrift:
150 gr smjörlíki
2 dl sykur
2 egg
3 dl hveiti
1 tsk lyftiduft
½ dl heitt vatn - (gott að nota jógúrt líka)
1. Hrærið smjörlíkið og sykur vel. Einu eggi í senn bætt saman við og hrært vel á milli.
2. Vatn og bragðefni og sigtað hveiti og lyftiduft bætt saman við. Ein matskeið af deigi í hvert form, bakað við 200°c hita í 10 mínútur.
Appelsínu-: 1 skammtur grunndeig, safi og hýði af einni appelsínu. Glassúr: ½ dl flórsykur, 2 tsk appelsínusafi, fínt saxað appelsínuhýði.
Súkkulaði-: 1 skammtur grunnuppskrift, 1 msk kakó, rommessens eða rúsínur.
Bláberja-: 1 skammtur grunnuppskrift , 1 ½ dl frosin bláber eða fersk.
Súkkulaðibita-: 1 skammtur grunnuppskrift, 100 gr súkkulaði saxað, gott að nota piparmyntu eða appelsínu.

Ps ég verð að bæta aðeins við þessa færslu ég fór á www.youtube.com og fann þar nokkur myndbönd sem eiga við nostalgíufærsluna.
þetta fyrsta er fyrir Matthildi og Þórunni : http://www.youtube.com/watch?v=9iY7mnX_hVk&mode=related&search=
næst er af lafði lokkaprúð: http://www.youtube.com/watch?v=UZR2viCWuHA
Bangsi bestaskinn: http://www.youtube.com/watch?v=zMNZqRH2n7A
Kærleiksbirnirnir http://www.youtube.com/watch?v=wfsrjGb7LcE
Póníhestarnir http://www.youtube.com/watch?v=98XkB4bh7ic
Tuskubrúðurnar http://www.youtube.com/watch?v=vrDiW00__C4 

Nostalgía

Ég er búin að komast að því á síðustu árum að ég man ótrúlega lítið eftir því sem ég horfði á í sjónvarpi sem krakki, ég man svona þátt og þátt, en ég get ómögulega munað nöfnin á þeim. Ég er samt búin að við  að mér smá svona safni af minningum eins og t.d. þessar hér:

Jem voru svakalegar píur, þær voru með bleikt og fjólublátt hár og sungu lög sem ég kunni "utanaf" þó trúlega hafi enskan ekki skilist. Ég ekki viss um að þættirnir hafi verið í íslensku sjónvarpi en Þórunn systir fór með ömmu, afa og Möttu til Kanada og komu aftur með dúkkurnar og SPÓLU með lögunum þeirra. Ég eyddi miklum hluta æsku minnar í að stelast til að leika mér að dúkkunni og hlusta á spóluna. 

Lafði Lokkaprúð, þessar teiknimyndir held ég að hafi verið á stöð tvö. Ég man reyndar ekki svo vel eftir þeim nema fyrir það að ég átti DÚKKULÍSUR með þeim. Ég held jafnvel að ég eigi þær enn einhverstaðar ofan´í kassa. þið getið skoðað allt um lafði lokkaprúð á www.ladylovelylocks.org

Bangsi bestaskinn, það var nú æði sem flestir tóku þátt í. Ég reyndar gerðist nú ekki svo fræg að eignast bangsa bestaskinn dúkku sem hægt var að setja kasettu í og hlusta. En ég er sannfærð um að ég missti ekki af einum einasta þætti. 

 

 

 

 Kærleiksbirnirnir, þeir voru ein af fyrstu teiknimyndunum sem ég man eftir á stöð tvö, ekki það að við höfum haft stöð tvö fyrr en löngu eftir að stöðin hóf göngu sína. En ég man eftir að hafa horft á þetta hjá ömmu og afa, á Fossheiðinni og svo auðvitað heima þegar búið vara að suða út stöð tvö. Ég sá svo fyrir nokkrum mánuðum að kærleiksbirnirnir væru aftur komnir á dagskrá, hvort þeir séu þar enn veit ég ekki. www. care-bears.com 

 

 

 

Brakúla greifi, var í mörg mörg mörg mörg ár í sjónvarpinu, mér fannst þetta ekkert brjálæðislega skemmtileg teiknimynd en hún var í morgunsjónvapinu og þá horfði maður á hana..... 

svo koma nokkar hérna bara til að rifja upp fyrir ykkur.. en þær voru að sjálfsögðu miklu miklu fleiri

  

  

 

 

 

 

 

 

 

 

 

 

 

 

 

 

 

 

 

 

 

 

  

 

 

Þetta er allt að koma

Ég er svona smátt og smátt að læra á þetta stjórnborð... svo þetta er allt að koma og ekki örvænta þó tengillinn ykkar sé ekki komin hérna inn þetta mun allt koma með kaldavatninu.

Það má líka segja að nokkuð sé að gera um þessar mundir ég og Lilja erum á fullu í lokaverkefninu og svo má ekki gleyma vettvangstengda valinu  (flott að geta notað þessa broskalla við svona tækifæri)

Já svo er auðvitað kartöfluball um helgina sem ég hef varla tíma til að mæta á en læt mig nú samt ekki vanta, allavega ekki í matinn!!

Hey já og eitt enn að frétta, það eru svona 95% líkur á því að við séum komin með  leiguhúsnæði á Selfossi.

 

Hér er ég komin

Mmmm eftir langan umhugsunarfrest og búin að skoða það helsta sem er í boði á íslenskum blogg-um þá ákvað ég bara að skella mér á moggablogg. Ég flækist þá bara aftur til baka með skottið á milli lappanna ef mér líkar ekki nógu vel hér þegar á reynir. Hérna eru líka broskarlar og kerlingar... segir það ekki allt um hversu geggjað þetta blogg verður?!

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.