varð að bæta þessari við

sveitaferð og prinsessu mynd

 

 

 

 

 

 

 

 

 

 

hitaskemmdir ávextir og frosið grænmeti...

Ég er þeim gáfum gædd að mér þykir gaman að versla, þá er ég ekki bara að tala um skó, bækur og þvíumlíkt. Nei nei mér þykir nefnilega nokkuð ánægjulegt að fara út í kjörbúð hvaða nafni sem hún nefnist og versla þar. Það er eitthvað svo undarlega þægilegt við það að fylla körfuna af mat og koma svo heim og eiga fulla skápa. Galli fylgir þó gjöf Njarðar, því oft á tíðum vill maturinn skemmast, ekki bara ávextirnir sem næstum eru komnir aftur að moldu í skálinni við gluggann. Heldur einnig maturinn í ísskápnum, grænmetið neðst verður smátt og smátt ónýtt ásamt því að opnar dósir og krukkur fara að skemmast. 
Af þessu mætti halda að allir skápar hjá mér séu uppfullir af skemmdum mat, það er aldeilis rangt því að skemmdirnar í ÍSskápnum mínum stafa nefninlega nánast eingönu af ÍS. Skápurinn sem keyptur var  í Elko á fyrsta búskapar ári okkar Jóns hefur sagt skilið við kælingu og einbeitir sér nánast eingöngu að frysting, þýðingu og svo aftur frystingu. 
Því stend ég frammi fyrir vali sem hljóðar upp á þetta:

Kaupa nýjan KÆLIskáp
Taka fram fyrir hendurnar á skápnum og henda grænmetinu strax í frysti og éta svo bara soðið grænmeti.
Hætta að kaupa grænmeti

Valið er svo stórkostlega erfitt að ég veit varla hvernig ég á að snúa mér... spurning hvort ég verði ekki að eyða dögunum fram að helgi í að velta mér upp úr þessu.

P.s. Jón er farin til Þýskalands, ég er að fara með Láru, Írenu og Aþenu í mjaltir... reyndar fá Matti og Lotta að fylgja með og ritgerðin er ekki komin aftur úr yfirlestri. 

Sænskar girðingar og ýmislegt annað

Í gær lærði ég að kveikja bál úti í skógi, hvaða við er sniðugast að nota í svona bál og hvernig best er að hafa eldstæðið ef maður ætlar sér að grilla sykurpúða og pylsur á því. Ennig lærði ég að mæla tré ekki með neinu nema spítu og lærði líka að búa til rjóður og síðast en ekki síst lærði ég að búa til skjólgirðingu úr engu nema trjám sem við klipptum í grenndinni, svona girðingu eins og hægt er að sjá í emil í Kattholti eða börnunum í Ólátagarði. Hana nú!

Annars er prinsessan á bauninni búin að fá nafn, hún hefur hlotið nafnið *trommusláttur* LOTTA SKOTTA var þetta ákvörðun sem tekin var sameiginlega af öllum fjölskyldumeðlimum að Lottu Skottu undanskilinni. Hún fékk engu um það ráðið hvað hún ætti að heita

Eitt enn því að í dag þann 18 apríl eru nákvæmlega 42 dagar þar til við flytjum !!

Og þar hafið þið það that´s all folks

Myndirnar sem ég lofaði...

Sumar svoldið yfirlýstar, en það er bara vandamálið með vélina... 

She´s all or nothing!

Þetta er nýjasti fjölskyldu meðlimurinn.

Óskum eftir tillögum að nafni, nú þegar hefur mörgum nöfnum verið hafnað því dómnefnd skipa Jón Ó, sem er sérlundaður smiður, Matthías sem vill að hún heiti "Honino" en það er karlkynshvolpamynd af nafninu Helgi. Og síðast en ekki síst formaður dómnefndar ÉG, sem nú þegar hef hafnað nöfnunum Doppa, Píla og Snotra.

Við setjum inn fleiri myndir af prinsessunni síðar, eða þegar snúran af myndavélinni finnst. En þangað til þá endilega látið nöfnin vaða.

Erfitt að vera leigjandi?!

Ég ætla að vona að parið sem er að fara að leigja okkur muni ekki fara svona með okkur. 

 http://funnyordie.com/v1/view_video.php?viewkey=3efbc24c7d2583be6925 

svo bregðast krosstré sem önnur tré!

En í þetta skiptið stóð ég mig eins og hetja, náði að vera ein af 12 efstu í samskipta og stjórnunar prófinu. Ef ykkur þykir það ekki merkilegt þá get ég sagt ykkur að kennarinn sagði fyrir próf að hún gæfi lágt, og að 7 þætti henni hátt og Brynja skellti sé bara yfir það. ´

hana nú þá er það komið á hreint

Are you a good student? Quiz

Free Fun Quizzes at FunQuizCards.com

My Result Was: You have a keen interest in studies, but you do not take things seriously everytime. Just take more efforts in studies, be a bit more attentive, listen to your teachers carefully, learn more about the subjects and you will be successful in no time.

Feit og pattaraleg

eins og margir aðrir eftir páskahátíðina.
Við eyddum helginni í sveitasælu uppsveita Árnessýslu  okkur til mikillar ánægju. En nú tekur alvaran við á nýjan leik. Ekkert elsku mamma eða neitt svoleiðis því nú er það bara að klára lokaritgerð og engar refjar.

Merkilegt nokk hvað ég get tekið mér fyrir hendur til að fresta því að skrifa, á þessum síðustu vikum og dögum hef ég tekið upp á ólíklegust hlutum til þess eins að fresta skrifum. Ég bakaði 4 sortir í síðustu viku, ég sem nánast aldrei baka. Ég tók til á hverjum einasta degi, náði að klára niður þvottafjallið og þurrka af. Ég leitaði að gömlum teiknimyndum á netinu og bloggaði á nýju bloggi sem ég gat dundað mér við að hanna. Síðast en ekki síst þá tók ég til í uppskrifta hrúgunni minni áðan og þá er mér allri lokið.. nú hlít ég að eira við það að skrifa þó það væri ekki nema örfáar línur... Eða hvað ?

Já Lára þarna töflurnar eru sko að virka.. og klukkan ekki nema lítið!! Hvað gera Danir þá  neeee bara grín, vil ekki að þú hugsir svona um mig